Ons Januarie-speletjiekeuses

Daar kom elke maand ’n magdom nuwe speletjies na Play. Om jou te help om dié te vind waaroor jy mal sal wees, deel ons – die Play-redakteurs – ons onlangse gunstelingvrystellings. Ons Kollig-titel is ’n speletjie wat ons harte gewen het met pragtige visuele elemente, intuïtiewe speluitleg of doodgewone eenvoudige pret – ons weet jy sal van ons keuse van die maand hou.

Dit is nie so skouspelagtig om deur die ruimte te reis as jy by ’n wurmgat ingesuig word, op ’n verlate planeet uitgespoeg word, en self die mas moet opkom nie. Jy kan gelukkig op jou vernuf en jou betroubare dagboek staat maak: nutsgoed wat jy nodig het om by die huis te kom in hierdie 2D-wys-en-klik-avontuur.

The Abandoned Planet betower deurlopend met die eenvoudige kopkrappers, groot verskeidenheid liggings en meesleurende stemtoneelspel. Wat nog indrukwekkender is, is dat hierdie betowerende, gepiekselleerde juweel deur ’n solo-ontwikkelaar geskep is – en dis baie duidelik dat geen moeite met die ontwerp ontsien is nie. The Abandoned Planet is ’n ware liefdesbrief aan kopkrapperliefhebbers van die ou skool, en sal jou op jou tone hou met die surrealistiese storielyn.

Of dit ons vermaak, kalmeer, bang gemaak of getoets het, hierdie Hoogtepunte is ’n versameling van ons gunstelingspeletjies hierdie maand.

Vir diegene wat van die alternatief hou, bied die Indie-hoogtepunteversameling hierdie maand se beste nuwe Indie-speletjies op Play aan.

Verken die jongste byvoegings tot Play Pass – kry onbeperkte toegang tot honderde betaalde speletjies, almal sonder inappaankope of advertensies.

Wonder jy waarna jy in die volgende paar maande kan uitsien om te speel? Blaai deur ons Voorafregistrasieversameling en sluit aan vir eksklusiewe byvoordele en bonusse.